Երբ կամփոփվի անձնագրերի և նույնականացման քարտերի նոր մատակարարի մրցույթը

8 տարի անց անձնագրերի և նույնականացման քարտերի նոր մատակարարի մրցույթը կամփոփվի մարտի վերջին։ Այս մասին Ազգային ժողովում նշել է ՆԳ նախարար Արփինե Սարգսյանը։

2007 թվականից Հայաստանում անձնագրեր և ID-քարտեր մատակարարել է լեհական PWPW ընկերությունը։ 2017 թ․ ավարտված պայմանագիրը մի քանի անգամ երկարաձգվել է, սակայն նոր մատակարար չի նշանակվել։

Անձնագրերի և նույնականացման քարտերի մատակարարի նոր մրցույթին մասնակցել է 1 ֆրանսիական և 2 գերմանական ընկերություն։

Սարգսյանը նիայն նշել է , որ եզրափակչում են 2 ընկերություն, որոնց առաջարկների մասին վերջինս չմանրամասնեց։ Հաղթող ընկերությունը մեկ տարում պետք է կազմավորի փաստաթղթերի տպագրության ենթակառուցվածքը:

Ներքին գործերի նախարարության նախագծի համաձայն՝ մասնավոր օպերատորը կզբաղվի տպագրությամբ և կտրամադրի փաստաթղթերը։

Ըստ նախարարության՝ դա կբարձրացնի անձնագրային և վիզաների բաժանմունքների սպասարկման մակարդակը: