ՌԴ-ն չի կարող անտարբեր մնալ այս հարցի շուրջ. Պեսկով
Ռուսաստանը մի կողմ չի կանգնի և կաջակցի Աբխազիային էներգետիկ խնդիրների հետ կապված արտակարգ իրավիճակներում: Այս մասին հայտարարել է ՌԴ նախագահի մամուլի խոսնակ Դմիտրի Պեսկովը։
«Ուզում եմ ևս մեկ անգամ հիշեցնել, որ երեկ նախագահը շատ, շատ մանրակրկիտ և դրական զրույց ունեցավ Աբխազիայի ընտրված նախագահի հետ, այն շատ առարկայական էր, օրակարգում կային բազմաթիվ հարցեր, անհրաժեշտ է Ռուսաստանի օպերատիվ օգնությունը՝ էներգառեսուրսների շարունակությունը հրատապ կազմակերպելու համար»,- նշել է Պեսկովը։
Ծանր իրավիճակը կապված է բնակլիմայական պայմանների հետ, ինչի պատճառով հանրապետությունը մատակարարող հիդրոէլեկտրակայանը բավարար ջուր չի ստանում արտադրության համար։
«Իհարկե, այս արտակարգ իրավիճակում Ռուսաստանը չի կարող անտարբեր մնալ, և էներգակիրների մատակարարումները կշարունակվեն»,- հավելել է նա:
