Ուկրաինայում ստեղծված իրավիճակն առաջին դասն է. Ալի Խամենեի
«Խամաճիկ պետությունների նկատմամբ արևմտյան երկրների աջակցությունը պատրանք է»,- X սոցիալական ցանցում ուկրաիներեն գրել է Իրանի գերագույն առաջնորդ այաթոլլա Ալի Խամենեին:
Հրապարակման մեջ այաթոլլան հիշեցրել է 2022 թվականի մարտի սկզբին արված իր հայտարարությունը։
Ուկրաինայում Ռուսաստանի կողմից ռազմական գործողություն սկսվելուց հետո Խամենեին հայտարարել էր, որ Կիևում ստեղծված իրավիճակի մեղավորը Վաշինգտոնն է: Այն ժամանակ Իրանի առաջնորդը նշել էր, որ ԱՄՆ-ն միջամտել Է Ուկրաինայի ներքին գործերին և «գունավոր հեղափոխություններ կազմակերպել»: Նոր հրապարակման մեջ Խամենեին հիշեցրել է իր խոսքերի մասին և մեջբերում արել 2022 թվականի իր հայտարարությունից։
«Ուկրաինայում ստեղծված իրավիճակի առաջին դասն այն է, որ արևմտյան տերությունների աջակցությունը երկրներին և կառավարություններին, որոնք իրենց խամաճիկներն են, պատրանք է: Բոլոր կառավարությունները պետք է դա հասկանան: Այն կառավարությունները, որոնք հույսը դնում են ԱՄՆ-ի և Եվրոպայի վրա պետք է նայեն Ուկրաինայի ներկայիս վիճակին»,- գրել Է Իրանի գերագույն առաջնորդը։
