Ուկրաինացիները միջուկային զենք գնելու համար դրամահավաք են սկսել
Ուկրաինացիները միջուկային զենք գնելու համար դրամահավաք են սկսել՝ Սպիտակ տանը ԱՄՆ նախագահ Դոնալդ Թրամփի և Վլադիմիր Զելենսկու բանավեճից հետո:
Այս մասին գրում Է ՈՒՆԻԱՆ-ը։
Դրամահավաքը հայտարարել Է ուկրաինացի բանկիր Օլեգ Գորոխովսկին։ Իր Telegram-ալիքում նա գրել է, որ շատ խնդրանքներ ու առաջարկներ է ստացել միջուկային զենքի դրամահավաք սկսելու համար:
Առաջին կես ժամվա ընթացքում Ուկրաինայի բնակիչները հավաքել են ավելի քան 2 միլիոն գրիվնա կամ մոտ 50 հազար դոլար։
Հիշեցնենք, որ դեռ փետրվարին Վլադիմիր Զելենսկին լրագրող Փիրս Մորգանին ասել էր, որ Կիևը ցանկանում է միջուկային զենք ստանալ ՝ որպես փոխհատուցում Ուկրաինային ՆԱՏՕ չընդունելու համար։ Իր հերթին ԱՄՆ նախագահ Դոնալդ Թրամփի ՝ Ուկրաինայի հարցով հատուկ ներկայացուցիչ Քիթ Քելլոգն ասել էր, որ Ուկրաինան միջուկային զենք չի ստանա:
