Հոսպիտալում զինծառայող է մահացել
Հոսպիտալում հիվանդության հետևանքով զինծառայողի մահվան դեպք է արձանագրվել։ Այս մասին «Սպուտնիկ Արմենիա»–ին հայտնել է ՀՀ ՊՆ մամուլի քարտուղար Արամ Թորոսյանը։
«Թե կոնկրետ ինչ հիվանդության հետևանքով, զերծ կմնամ նշել. կպարզի փորձաքննությունը»,-ասել է նա:
«Ըստ բժշկական նախնական գնահատականի՝ հիվանդությունն ունեցել է կայծակնային ընթացք, ձեռնարկված բուժական հրատապ և անհետաձգելի միջոցառումներն ու գործադրված ջանքերը, ցավոք սրտի, արդյունք չեն տվել»,-հավելել է ՊՆ խոսնակը:
