ՌԴ-ն և ԱՄՆ-ն Ուկրաինայի հարցով պայմանավորվածություն ունեն. Լավրով
ՌԴ ու ԱՄՆ-ն պայմանավորվել են, որ մոտ ժամանակներս կմեկնարկեն ուկրաինական կարգավորման գործընթացը, բանակցողներ կնշանակեն: Այս մասին հայտնել է Ռուսաստանի նախարար Սերգեյ Լավրովը:
Պայմանավորվածություն է ձեռք բերվել ուկրաինական հակամարտության կարգավորմանը զուգահեռ պայմաններ ստեղծել ՌԴ-ի և Նահանգների միջև համագործակցության ամբողջական վերականգնման համար:
«Հիմքեր կան ենթադրելու, որ ամերիկյան կողմը սկսել է լսել Ռուսաստանի դիրքորոշումը»,- ասել է Լավրովը։
Նա նաև թվարկել է ՌԴ-ի և ԱՄՆ-ի համագործակցության վերականգնմանն ուղղված քայլերը։ Առաջինը դեսպանների նշանակումն է, դիվանագիտական առաքելությունների աշխատանքում սահմանափակումների վերացումը և ռուսական անշարժ գույքի կալանքի և բանկային փոխանցումների սահմանափակման հետ կապված խնդիրների լուծումը։
Վերջինիս խոսքով՝ երբ երկու կողմերը բանակցային թիմեր նշանակեն, Ուկրաինայի հարցով Ռուսաստանի և ԱՄՆ-ի խորհրդակցությունները կսկսեն կանոնավոր բնույթ կրել։
Լավրովը նաև ասել է, ամերիկացի գործընկերներն առաջարկել են ինչ-որ մորատորիում մտցնել էներգետիկ օբյեկտների վրա հարձակումների համար։
Ի պատասխան՝ ՌԴ-ի ներկայացուցիչները ասել են, որ իրենք երբեք չեն վտանգել բնակչության էներգամատակարարման համակարգերը, և որ ՌԴ-ի թիրախը միայն այն օբյեկտներն են, որոնք անմիջականորեն ծառայում են Ուկրաինայի զինված ուժերին։
