Պուտինը պատրաստ է Զելենսկու հետ բանակցություններին. Պեսկով
Ռուսաստանի նախագահ Վլադիմիր Պուտինը պատրաստ է Ուկրաինայի նախագահ Վլադիմիր Զելենսկու հետ բանակցությունների, սակայն պետք է հաշվի առնել նրա «լեգիտիմության իրավական կողմերը»։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Պուտինն ինքը բազմիցս ասել է, որ անհրաժեշտության դեպքում կբանակցի Զելենսկու հետ։ Միևնույն ժամանակ, համաձայնագրերի իրավական արձանագրումը ենթակա է լուրջ քննարկման՝ հաշվի առնելով այն իրողությունը, որը խոսում է անձամբ Զելենսկու լեգիտիմությունը վիճարկելու հնարավորության մասին»,- լրագրողներին ասել է Կրեմլի ներկայացուցիչը։
Հիշեցնենք` Վլադիմիր Զելենսկու հնգամյա ժամկետը լրացել է 2024 թվականի մայիսի 21-ին, և ռազմական դրության պատճառով երկրում նախագահական ընտրություններ չեն կայացել։
