Գաղտնի այց՝ Բելառուս. ԱՄՆ-Բելառուս գործարք կկնքվի․ NYT

Ամերիկացի դիվանագետի գաղտնի այցը Բելառուս կարող է դառնալ Վաշինգտոնի և Մինսկի միջև հարաբերությունների հնարավոր կարգավորման առաջին քայլը: Այս մասին գրում է The New York Times թերթը:

Ըստ վարկածի՝ անցյալ շաբաթ ԱՄՆ պետքարտուղարի օգնականի տեղակալ Քրիստոֆեր Սմիթը հանդիպել է նախագահ Ալեքսանդր Լուկաշենկոյի հետ, ինչը վերջին հինգ տարվա ընթացքում Բելառուսի նախագահի առաջին հանդիպումն էր Պետդեպարտամենտի ներկայացուցչի հետ: Սմիթը երկու այլ ամերիկացի պաշտոնյաների հետ ժամանել է երեք մարդու, այդ թվում՝ մեկ ամերիկացու ազատ արձակման պայմանավորվածությունների շրջանակներում: Դրանից հետո ամերիկյան պատվիրակությունը մեկնել է Լիտվա, որտեղ Սմիթը գործողությունն անվանել է «հսկայական հաջողություն»:

Հաջորդ օրը Սմիթը Վիլնյուսում արևմտյան դիվանագետներին տեղեկացրել է հնարավոր «վիթխարի համաձայնագրի» մասին, որի համաձայն Լուկաշենկոն ազատ կարձակի զգալի թվով քաղբանտարկյալների, այդ թվում՝ նշանավոր ընդդիմադիրների: Փոխարենը ԱՄՆ-ը կարող է թուլացնել պատժամիջոցները բելառուսական բանկերի և պոտաշ պարարտանյութերի արտահանման դեմ, որոնք երկրի տնտեսության առանցքային արդյունքն են։

Պարբերականը պնդմամբ՝ այդ քայլը դարձել Է ԱՄՆ նախագահ Թրամփի վարչակազմի նոր ռազմավարության մի մասը, որը հեռանում է Լուկաշենկոյի ռեժիմի մեկուսացման բազմամյա քաղաքականությունից: