Ինչ են խոսել Թրամփը և Զելենսկին

Ուկրաինայի նախագահ Վլադիմիր Զելենսկին հայտնել է ԱՄՆ նախագահ Դոնալդ Թրամփի հետ հեռախոսազրույցի մասին:

«Զրույցը եղել է խաղաղության հասնելու հնարավորությունների, թիմային մակարդակով աշխատելու մեր պատրաստակամության, տեխնոլոգիական հնարավորությունների շուրջ... Շնորհակալ ենք Դոնալդ Թրամփին՝ հետաքրքրվելու համար, թե ինչ կարող ենք միասին անել»,- գրել է Զելենսկին՝ թելեգրամյան իր ալիքում։

Իր խոսքով՝ Թրամփը ներկայացրել է ՌԴ նախագահ Վլադիմիր Պուտինի հետ իր զրույցի մանրամասները։

«Ամենից շատ Ուկրաինան է խաղաղություն ուզում։Ինչպես նախագահ Թրամփն ասաց, եկեք հասնենք դրան: Պայմանավորվել ենք հետագա շփումների և հանդիպումների շուրջ»,- գրել է Ուկրաինայի նախագահը։

Ավելի վաղ հաղորդել էինք, որ Թրամփն ու Պուտինը հեռախոսազրույց են ունեցել Ուկրաինայում պատերազմի դադարեցման հարցի շուրջ։