Հայտնաբերվել է ԱԱԾ գեներալի մարմինը
Հայտնաբերվել է ԱԱԾ գեներալ Տիգրան Բարսեղյանի մարմինը: Ըստ տարածված լուրերի՝ գեներալի մարմինը տանը մնացել է երեք օր:
«Փետրվարի 9-ին, ժամը 00:25-ին շտապօգնությունից ոստիկանություն հաղորդում է ստացվել, որ շտապօգնության խումբը կանչով մեկնել է Մուրացանի փողոցի շենքերից մեկն ու հայտնաբերել Տիգրան Բարսեղյանի դիակը»,– MediaHub-ին հայտնել են ՆԳՆ-ից:
Կայքի տեղեկություններով՝ գեներալի որդին ապրում է արտերկրում և մի քանի օր նրան չի հաջողվել կապ հաստատել Բարսեղյանի հետ:
«Մեզ ասացին, որ որդին խնդրել է հարազատներին նրան այցելել, այդպես էլ հոր մարմինը հայտնաբերել են»,– գրում է կայքը:
Նշվում է, որ դիակի վրա բռնության հետքեր չեն հայտնաբերվել: Նախաձեռնվել է քրեական վարույթ:
