Թրամփը կարող է սկսել Ռուբեն Վարդանյանից. WP
Աշխարհում այսքան տառապանքների թվում անհատական դեպքերը կարող են կորչել: Բայց ես ուզում եմ պատմել Ռուբեն Վարդանյան անունով մի մարդու մասին, որը քաղբանտարկյալ է Ադրբեջանում և որին սպառնում է ցմահ ազատազրկում։ Այս մասին գրել է The Washington Post-ի սյունակագիր Դեյվիդ Իգնատիուսը, ով նշել է, որ Ռուբեն Վարդանյանի գործն ավելի մեծ ուշադրության է արժանի:
«Վարդանյանի հանցանքը, եթե կարելի է այդպես անվանել, այն է, որ նա սատարում էր հայկական դիմադրությանը Լեռնային Ղարաբաղում՝ Կովկասի հեռավոր տարածաշրջանում»,- գրում է Իգնատիուսը։
Սյունակագիրը նշում է, որ այժմ Ադրբեջանի կազմում գտնվող Լեռնային Ղարաբաղը ժամանակին ունեցել է ինքնավարություն և բնակեցված եղել հիմնականում հայերով։ Միևնույն ժամանակ, Իգնատիուսը հիշեցրել է, որ շուրջ 120,000 հայեր տարածաշրջանից փախել են 2023 թվականի սեպտեմբերին ադրբեջանական զորքերի զինված ներխուժման հետևանքով։
«Դոնալդ Թրամփը խոստացել է պաշտպանել Հայաստանի քրիստոնյաներին։ Նա կարող է սկսել Ռուբեն Վարդանյանից»,- նկատում է Իգնատիուսը։
