Նեթանյահուն արտակարգ խորհրդակցություն է հրավիրել
Իսրայելի վարչապետ Բենիամին Նեթանյահուն արտակարգ խորհրդակցություն է հրավիրել հետախուզության ղեկավարների հետ՝ կապված պաղեստինյան ՀԱՄԱՍ շարժման կողմից Գազայի հատվածում հրադադարի համաձայնագրի պայմանները կատարելուց հրաժարվելու հետ, երկուշաբթի հայտնել է իսրայելական հեռուստատեսության 12-րդ ալիքը՝ վկայակոչելով իրազեկ աղբյուրին։
«Վարչապետը արտակարգ խորհրդակցություն է անցկացնում հետախուզական ծառայությունների ղեկավարների հետ»,- ասված է հաղորդագրությունում։
Այսօր ավելի վաղ պաղեստինյան ՀԱՄԱՍ շարժման ռազմական թևի խոսնակ Աբու Ուբեյդան ասել էր, որ խմբավորումը որոշել է հետաձգել պատանդների ազատ արձակումը, որը նախատեսված էր շաբաթ օրը՝ «Իսրայելի կողմից համաձայնագիրը չկատարելու պատճառով»: Իսրայելի խախտումների թվում Ուբեյդան նշել է Գազայի հատվածի հյուսիսում տեղահանվածների ուշացումը և պաղեստինյան անկլավ մարդասիրական օգնության առաքման հետ կապված խնդիրները:
