Կիևն արդեն ունի նման ծրագիր. Զելենսկի

ԱՄՆ նախագահ Դոնալդ Թրամփը դեռևս չունի ռուս-ուկրաինական պատերազմի ավարտի պաշտոնական ծրագիր, հայտարարել է Ուկրաինայի նախագահ Վլադիմիր Զելենսկին։

«Դա (ծրագիրը) դեռ պաշտոնական չէ։ Ի՞նչ կա այս կամ այն ​​հրապարակումների մեջ… Ես վստահ եմ, որ դա նախագահ Թրամփի պաշտոնական պլանը չէ», - ասել է Ուկրաինայի առաջնորդը Վերակառուցման և զարգացման եվրոպական բանկի նախագահ Օդիլ Ռենո-Բասոյի հետ մամուլի ասուլիսում։

Интерфакс-Украина–ի փոխանցմամբ՝ Զելենսկին ասել է, որ Կիևն արդեն ունի նման ծրագրի «տեսլական», և ԱՄՆ-ի հետ «կոնկրետ բաներ» են քննարկվել դեռևս Թրամփի երդմնակալությունից առաջ:

«Մենք դեռ կսպասենք մեր պաշտոնական բանակցություններին և պաշտոնական արդյունքներին»,- հավելել է Ուկրաինայի նախագահը։