Դա պատրանքային նպատակ է. Պենտագոնի ղեկավար

ԱՄՆ պաշտպանության նախարար Փիթ Հեգսեթը, ով պաշտոնը ստանձնել է հունվարի վերջին, առաջին անգամ ելույթ է ունեցել Ուկրաինայի հարցով կոնտակտային խմբի հանդիպմանը, որը տեղի է ունեցել փետրվարի 12-ին Բրյուսելում։ Հեգսեթի ելույթի տեսանյութը հրապարակել է Sky News-ը։

Նախարարն ասել է, որ ԱՄՆ նախագահ Դոնալդ Թրամփը գլխավոր առաջնահերթություն է համարում ռազմական գործողությունների ավարտը և Ռուսաստանի և Ուկրաինայի միջև խաղաղության հասնելը: Իր խոսքով՝ Պենտագոնը կօգնի հասնել այդ նպատակին։

«Մենք կավարտենք այս ավերիչ պատերազմը և կհաստատենք կայուն խաղաղություն միայն մեր դաշնակիցների ուժը համադրելով ռազմի դաշտում իրավիճակի իրատեսական գնահատման հետ։ Մենք, ինչպես դուք, ցանկանում ենք ինքնիշխան և բարգավաճ Ուկրաինա։ Բայց նախ պետք է ընդունել, որ վերադարձը Ուկրաինայի սահմաններին, որոնք կային մինչև 2014 թվականը, անիրատեսական նպատակ է։ Այս պատրանքային նպատակին հասնելը միայն կերկարացնի պատերազմը և ավելի շատ տառապանքներ կբերի։ Ուկրաինայի համար տևական խաղաղությունը պետք է ներառի անվտանգության հուսալի երաշխիքներ՝ կանխելու պատերազմի վերսկսումը: Սա չպետք է լինի Մինսկ 3.0 (Խմբ.՝ Մինսկի համաձայնագրերը, որոնք համաձայնեցվել են Ուկրաինայի, Ռուսաստանի, Գերմանիայի և Ֆրանսիայի կողմից 2015 թվականի փետրվարին)», - ասել էՓիթ Հեգսեթը:

Նախարարը հավելել է, որ ԱՄՆ-ն Ուկրաինայի անդամակցությունը ՆԱՏՕ-ին չի համարում, ինչպես պնդում է պաշտոնական Կիևը, «բանակցային կարգավորման իրատեսական արդյունք»։