Տուգանվել են «Ֆլեշ» և «ԳԱԶ-ՊՐՈՊԱՆ» ընկերությունները
Շուկայի վերահսկողության տեսչական մարմնի ղեկավար Արմեն Կոտոլյանի որոշման համաձայն ընդհանուր առմամբ 15 միլիոն 964,180 դրամի չափով տուգանք է նշանակվել Երևանում և Հայաստանի մարզերում հեղուկացված ածխաջրածնային գազի գործունեությամբ զբաղվող «ԳԱԶ-ՊՐՈՊԱՆ» ՍՊԸ-ի նկատմամբ։
Նշենք, որ Արմեն Կոտոլյանի որոշմամբ երեկ ընդհանուր առմամբ 37 միլիոն 796 հազար 993 դրամի չափով տուգանք էր նշանակվել Երևանում և ՀՀ մարզերում ավտոմոբիլային բենզինի, դիզելային վառելիքի և հեղուկացված ածխաջրածնային գազի գործունեությամբ զբաղվող «ՖԼԵՇ» ՍՊԸ-ի նկատմամբ։
Գազալցակայաններում առկա թերությունները վերացվել են:
