ԱՄՆ–ի հետ խնդրահարույց հարցեր կան. Թուրքիա
Թուրքիան ԱՄՆ-ի հետ հարաբերություններում խնդրահարույց հարցեր ունի, որոնցից գլխավորը Սիրիայում Վաշինգտոնի քաղաքականությունն է: Այս մասին հայտարարել է երկրի արտգործնախարար Հաքան Ֆիդանը, գրում է РИА Новости–ն:
«Նոր ժամանակաշրջանում մենք, իհարկե, կշարունակենք սերտորեն համագործակցել (Դոնալդ) Թրամփի վարչակազմի հետ ամենաբարձր մակարդակով: Ինչպես գիտեք, մենք երկարամյա հարաբերություններ ունենք ԱՄՆ վարչակազմի հետ, բայց ոչ բոլոր հարցերի շուրջ ենք մենք նույնկերպ մտածում։
Կան հարցեր, որոնց շուրջ մենք տարաձայնություններ ունենք, հատկապես տարածաշրջանային հարցերում։ Բայց կա գործողություն, որին պետք է հետևեն հասուն պետությունները: Այսինքն՝ խնդրահարույց հարցերը պետք է փակագծերի մեջ առնվեն, իսկ լավ հարցերին շարունակություն տալ։ Մենք խնդրահարույց հարցեր ունենք նաև ԱՄՆ-ի հետ»,– ասել է նա:
