Իրանը պատրաստ է խոշոր և երկարաժամկետ առճակատումների. Հոսեյն Սալամին
Իրանի Իսլամական հեղափոխության պահապանների կորպուսի (ԻՀՊԿ) գերագույն հրամանատար, գեներալ-մայոր Հոսեյն Սալամին, ելույթ ունենալով ԻՀՊԿ օդատիեզերական ուժերի շտաբում, հայտարարել է, որ Իրանի զինված ուժերը լիովին պատրաստ են պաշտպանել երկիրը խոշոր մարտերի և երկարաժամկետ հակամարտությունների դեպքում: Այս մասին հայտնում է Mehr-ը։
«Տարիներ շարունակ մենք պատրաստվել ենք լայնածավալ մարտերի և նույնիսկ երկարատև առճակատումների աշխարհի մեծ տերությունների և նրանց տարածաշրջանային դրածոների հետ: Ամեն օր մեր երկրի բոլոր մասերում հրթիռների և հրթիռային համակարգերի թիվն ավելանում է», - նշել է գեներալ Սալամին՝ հավելելով, որ իրանական հրթիռներն օրեցօր կատարելագործվում են իրենց որակով, քանակով և արտաքին տեսքով։
«Այսօր հնարավոր է միաժամանակ հարյուրավոր ինքնաթիռներ խոցել հաջորդական ալիքների միջոցով»,- ասել է նա՝ հավելելով, որ Իրանը երբեք հույս չի դրել որևէ օտար ուժի վրա՝ իր անկախությունը, ինքնությունը և հեղինակությունը պաշտպանելու հարցում:
