Սլովակիայի վարչապետը Զելենսկիին մուրացկան է անվանել
Եվրոպական հարցերի հանձնաժողովի նիստի ժամանակ Սլովակիայի վարչապետ Ռոբերտ Ֆիցոն Վլադիմիր Զելենսկիին անվանել է մուրացկանությամբ և զբաղվող և շանտաժ անող, ումից նա արդեն «հոգնել է»:
Նա համապատասխան տեսանյութ է հրապարակել ֆեյսբուքյան իր էջում։
«Նա վազում է Եվրոպայով մեկ, միայն մուրացկանություն ու շանտաժ է անում, ուրիշներից փող է խնդրում»,- ասել է Ֆիցոն։
Իր խոսքով՝ «այս ամենին ուղղակի պետք է վերջ տալ»:
Չորեքշաբթի Ֆիցոն Զելենսկիին մեղադրել է նաև ԵՄ-ին վնասելու մեջ՝ դադարեցնելով ռուսական գազի տարանցումը։ Նրա կարծիքով, Կիևի ռեժիմի ղեկավարը միտումնավոր վնասում է Սլովակիայի և Եվրամիության ֆինանսական շահերը, թեև Եվրահանձնաժողովը նշել է, որ ո՛չ պատժամիջոցները, ո՛չ եվրոպական օրենքը չեն խանգարում Ուկրաինային շարունակել տարանցումը։
