Ռումբի ահազանգ՝ Մոսկվա թռչող ինքնաթիռում. ինչ է հայտնի
Նիժնեկամսկ-Մոսկվա չվերթի ուղևորը հայտնել է, որ իր ձեռքի ուղեբեռում երկու պայթուցիկ կա, ինչից հետո ինքնաթիռը վայրէջք է կատարել Մոսկվայի «Շերեմետևո» օդանավակայանում: Այս մասին գրում է Readovka թելեգրամյան ալիքը:
Նշվում է, որ ուղևորը ռումբի մասին հայտնել է, երբ արդեն ինքնաթիռը երկնքում է եղել:
«DP-6846 չվերթը վայրէջք է կատարել Շերեմետևոյում մոտ մեկ ժամ առաջ: Դեպքի վայրում աշխատում են շտապօգնության ծառայությունները, այդ թվում՝ կինոլոգներ»,– գրում է թելեգրամյան ալիքը։
Ավելի ուշ ալիքը տեղեկացրել է, որ իր ուղեբեռում պայթուցիկի մասին հայտնած տղամարդը կալանավորվել է: Իրավապահները աշխատանքներ են տանոմ նրա հետ: Նախնական տեղեկություններով՝ պայթուցիկ նյութեր չեն հայտնաբերվել։
