Իլոն Մասկը համաձայնել է, որ Կալֆոռնիայի իշխանությունն ամենավատն է ԱՄՆ–ում
Ամերիկացի ձեռնարկատեր Իլոն Մասկը Լոս Անջելեսում մահացու հրդեհների ֆոնին համաձայնել է, որ Կալիֆոռնիայի կառավարությունն ամենավատն է ԱՄՆ-ում։ Այս մասին գրում է РИА Новости–ն:
Մասկը պատասխանել է X սոցիալական մեդիայի կայքում տեղադրված գրառմանը, որտեղ օգտատերը գրել է, որ Կալիֆոռնիան ԱՄՆ-ի ցանկացած նահանգից ամենավատ կառավարությունն ունի: Օգտատիրոջ խոսքով՝ ջրի և անտառների կառավարման ոլորտում Կալիֆոռնիայի նահանգապետ Գևին Նյուսոմի «ձախողված քաղաքականությունը» նպաստել է ավերիչ հրդեհներին։
«Ճիշտ է»,- գրել է Մասկը՝ ի պատասխան օգտատիրոջ գրառման։
Ավելի վաղ ABC News-ը, վկայակոչելով տեղի շերիֆին, հայտնել էր, որ Լոս Անջելեսում բռնկված հրդեհների հետևանքով հինգ մարդ է մահացել։
