Գերմանիայի օդանավակայաններում չեն կարողանում ստուգել ուղևորների տվյալները. խափանումներ

Գերմանիայի բոլոր օդանավակայաններում դադարել է գործել Շենգենյան գոտուց դուրս գտնվող երկրների ուղևորների տվյալները ստուգելու համար նախատեսված ոստիկանական համակարգչային համակարգը, հայտնում է Bild թերթը։

Ինչպես հրատարակությանը հայտնել են դաշնային ոստիկանությունից, իրավապահ մարմինների համակարգչային համակարգերի խափանումը ազդել է Գերմանիայի բոլոր օդանավակայանների վրա, աշխատակիցները ստիպված են ձեռքով ստուգել եկող ուղևորների տվյալները։

Bild-ի փոխանցմամբ՝ անսարքությունը մեծ հերթեր է առաջացրել օդանավակայաններում։ Տեխնիկական անսարքության պատճառների մասին տեղեկություններ չկան։