Միլլերը` հայ-թուրքական և հայ-ադրբեջանական հարաբերությունների մասին
ԱՄՆ Պետդեպարտամենտի խոսնակ Մեթյու Միլլերը ԱՄՆ արտաքին քաղաքականության վերջին զարգացումները և ընթացիկ իրադարձությունները ամփոփելիս անդրադարձել է նաև հայ-թուրքական հարաբերություններին, հայ-ադրբեջանական բանակցություններին ու Ադրբեջանի բանտերում պահվող հայ գերիների հարցերին։
«Հայաստանի և Թուրքիայի միջև հարաբերությունների վերաբերյալ պարբերաբար շփումներ ենք ունենում երկու կողմերի պաշտոնյաների հետ», - նշել է Միլլերը։
«Ինչպես նաև մենք հետևողականորեն կոչ ենք անում Ադրբեջանին հարգել երկրում ապրող բոլոր մարդկանց, այդ թվում՝ բանտարկյալների մարդու իրավունքները և հիմնարար ազատությունները։ Մենք միշտ քայլեր ենք ձեռնարկում, երբ չենք տեսնում, որ Ադրբեջանում չեն հարգում մարդու հիմնական իրավունքները և մենք կշարունակենք վարել այս քաղաքականությունը», - ավելացրել է պետդեպի խոսնակը:
