Իսրայելը ցույց է տալիս իր օկուպացիոն մտածելակերպը․ Թուրքիայի ՊՆ
Թուրքիայի պաշտպանության նախարարության ղեկավար Յաշար Գյուլերը հայտարարել է, որ Իսրայելի ագրեսիվ գործողությունները Մերձավոր Արևելքի տարածաշրջանում արտացոլում են նրա «օկուպացիոն մտածելակերպը»:
«Իսրայելը ցույց է տալիս իր օկուպացիոն մտածելակերպը՝ մեծացնելով իր ագրեսիան տարածաշրջանում, չնայած մինչ այժմ ընդունված ՄԱԿ-ի որոշումներին՝ Իսրայելը շարունակում է իր անօրինական գործողությունները տարածաշրջանում, անմեղ քաղաքացիների, հատկապես երեխաների կոտորածները, ինչպես նաև պետական ահաբեկչության քաղաքականությունը»,- մեջբերում է թուրք նախարարի հայտարարությունները TRT Haber հեռուստաալիքը։
Ըստ պաշտոնյայի՝ Լիբանանի վրա Իսրայելի վերջին հարձակումները և Իրանի հետ լարվածությունը մեծացրել են ամբողջ Մերձավոր Արևելքը քաոսի մեջ ներքաշելու վտանգը:
