Սիրիայում կարող են քիմիական զենքի պաշարներ լինել. Պենտագոն
Պենտագոնը կարծում է, որ Սիրիան կարող է քիմիական զենքի պաշարներ ունենալ, և ԱՄՆ-ը գործընկերների միջոցով փորձում է կանխել դրանց օգտագործումը իր ուժերի կամ խաղաղ բնակչության դեմ: Այս մասին երկուշաբթի օրը լրագրողների համար ճեպազրույցում հայտարարել է ԱՄՆ ռազմական դեպարտամենտի մամուլի քարտուղարի տեղակալ Սաբրինա Սինգհը, գրում է ТАСС–ը:
«Ինչ վերաբերում է քիմիական զենքի խնդրին, մենք դրան հատկացնում ենք մեր հիմնական ուշադրությունը», - ասել է նա:
«Մենք փորձում ենք ապահովել, որ այդ քիմիական զենքը չհայտնվի նրանց ձեռքում, ովքեր կցանկանան օգտագործել այն խաղաղ բնակչության, ԱՄՆ ուժերի կամ տարածաշրջանում նրանց գործընկերների դեմ», - հավելել է Սինգհը:
Պենտագոնի խոսնակը պարզաբանել է, որ ԱՄՆ զինվորականներն ուղղակիորեն ներգրավված չեն դրանում, այլ գործում են գործընկերների միջոցով։
«Մենք այս հարցում փորձ ունենք և տեղում աշխատում ենք գործընկերների միջոցով, որպեսզի թույլ չտանք, որ այդ զենքերը հայտնվեն սխալ ձեռքերում», - վստահեցրել է Սինգհը:
