Հասարակություն

Այս հարցով պետք է լուրջ քայլեր ձեռնարկվեն. Ավանեսյան

Այս հարցով պետք է լուրջ քայլեր ձեռնարկվեն. Ավանեսյան
Առողջապահության նախարար Անահիտ Ավանեսյանը կարծում է, որ աղի մասին օրինագծի դեմ Հայաստանում ագրեսիվ ու լայնամասշտաբ արշավ սկսվեց։ Նա, սակայն, պնդում է, որ այս հարցով պետք է լուրջ քայլե�…

Առողջապահության նախարար Անահիտ Ավանեսյանը կարծում է, որ աղի մասին օրինագծի դեմ Հայաստանում ագրեսիվ ու լայնամասշտաբ արշավ սկսվեց։ Նա, սակայն, պնդում է, որ այս հարցով պետք է լուրջ քայլեր ձեռնարկվեն։


«Հայաստանում մենք օգտագործում ենք կրկնակի չափով աղ, լուրջ քայլեր պետք է ձեռնարկել»,- լրագրողների հետ հանդիպմանն հայտնել է նախարարը։


Ավանեսյանը ասել է, որ աշխատում են հանրային սննդի օբյեկտների հետ, որպեսզի վերանայեն սննդի մեջ աղի չափաքանակ։ Նրա խոսքով՝ հանրային սննդի օբյեկտները կառուցողական են մոտենում հարցին։ Այս պահին նախագիծը դեռ քննարկման փուլում է։


Հիշեցնենք` ՀՀ առողջապահության նախարարությունն առաջարկում է «Առևտրի և ծառայությունների մասին» ՀՀ օրենքում և «Վարչական իրավախախտումների մասին» օրենսգրքում լրացումներ կատարել։


Ըստ նախագծի՝ հանրային սննդի օբյեկտներում սեղանների վրա կարգելվի աղաման դնել՝ առանց սպառողի պահանջի, հակառակ դեպքում՝ տնտեսվարողը կտուգանվի։


Ըստ Առողջապահության համաշխարհային կազմակերպության՝ կերակրի աղի քանակը չպետք է գերազանցի օրական 5 գրամը, մինչդեռ Հայաստանում դրա օգտագործման ծավալը կրկնակի գերազանցում է ԱՀԿ-ի կողմից սահմանված շեմը:


Հետազոտությունները վկայում են, որ աղի չարաշահումը նպաստում է սրտանոթային համակարգի հիվանդությունների և ինսուլտների առաջացման ռիսկի բարձրացմանը:

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7482) Միջազգային (3294) ԱՄՆ (2293) Ռուսաստան (2109) Իրան (1743) Ընտրություններ (1273) Ուկրաինա (829) Երևան (799) Իսրայել (759) Ադրբեջան (623) Փաշինյան (561) Եվրոպա (510) Ընդդիմություն (437) Թրամփ (430) Ազգային ժողով (417)

Radio Aurora

Լսել Radio Aurora

Գովազդային տարածք

300x250