ՌԴ ԱԳՆ-ից հայտնել են, արդյոք Ասադին կարտահանձնեն որևէ այլ երկիր

Ռուսաստանի Դաշնության արտաքին գործերի փոխնախարար Սերգեյ Ռյաբկովը հայտարարել է, որ Սիրիայի նախկին նախագահ Բաշար ալ-Ասադը անվտանգ է Ռուսաստանում։ Այս մասին հայտնում է RIA Novosti-ն։

Դիվանագետի խոսքով՝ Մոսկվան չի արտահանձնի քաղաքական գործչին Միջազգային քրեական դատարան։

Նոյեմբերի կեսերին հաղորդվել էր, որ Ֆրանսիան Ասադի ձերբակալության օրդեր է տվել։ Փարիզում Սիրիայի Արաբական Հանրապետության (ՍԱՀ) ղեկավարին մեղադրել են մարդկության դեմ հանցագործությունների և ռազմական հանցագործությունների մեջ։

Հիշեցնենք, որ սիրիական ընդդիմության զինված խմբավորումները մեծ հարձակում են սկսել Սիրիայում կառավարական զորքերի դեմ՝ գրավելով խոշոր քաղաքներ, այդ թվում՝ Դամասկոսը (Սիրիայի Արաբական Հանրապետության մայրաքաղաքը)։

Դեկտեմբերի 8-ի գիշերը հայտարարվեց, որ նախագահ Բաշար ալ-Ասադի իշխանությունը «ավարտվել է»։ Հաղորդվել է, որ Բաշար ալ-Ասադը և նրա ընտանիքը բանակցություններից հետո լքել են երկիրը։

Հետո տեղեկություններ հայտնվեցին, որ Սիրիայի նախկին նախագահը ժամանել է Մոսկվա։ Կրեմլում նշել են, որ Ռուսաստանը պարտավոր չէ պաշտոնապես որևէ մեկին հայտնել Ասադին քաղաքական ապաստան տրամադրելու մասին։