Չի կարելի լինել ԱԺ պատգամավոր ու դառնալ նողկալի խոսափող կամ արտահոսքի չփակված անցք․ Վահագն Ալեքսանյան

ՔՊ-ական պատգամավոր Վահագն Ալեքսանյանը ՔՊ-ի նիստից հետո լրագրողների հետ զրույցում ասաց, որ Հակոբ Ասլանյանը հեռացվել է խմբակցությունից՝ կուսակցական կարգը խախտելու համար։

«Չի կարելի լինել ԱԺ պատգամավոր ու իջնել էն մակարդակի, որ դառնաս նողկալի խոսափող կամ արտահոսքի չփակված անցք։ Պատգամավորի կարգավիճակը չի կարելի իջեցնել էդ մակարդակի ու չի կարելի աշխատել ինչ-որ մի լրատվականի մոտ, որը պատկանում է բոլորիս հայտնի ինչ-որ ուժերի, որպես ինֆորմատոր։ Չի կարելի լինել պատգամավոր և աշխատել ինչ-որ մեկի մոտ ինֆորմատոր»,- ասաց Ալեքսանյանը։