Ալուշը՝ Սիրիայում ամերիկյան հետագա ռազմական ներկայության մասին

Սիրիայում ամերիկյան հետագա ռազմական ներկայության մասին որոշումը կայացնելու է Արաբական Հանրապետության ժողովուրդը։ Այս մասին ՏԱՍՍ-ին հայտնել է սիրիացի հայտնի քաղաքական գործիչ, Ժնևում և Աստանայում Սիրիայի հարցով բանակցություններում ընդդիմության պատվիրակության նախկին ղեկավար Մուհամեդ Ալուշը։

«Ամերիկյան ռազմական ներկայության հարցը ժողովրդի ներկայացուցիչների կողմից կդիտարկվի նպատակահարմարության եւ նրա համար օգուտի տեսանկյունից»,- ասել է նա:

Միևնույն ժամանակ, Ալուշը հույս է հայտնել, որ «Սիրիան կդառնա լոկալ և գլոբալ խաղաղության երկիր՝ առանց որևէ կողմի օտարերկրյա ռազմաբազաների ներկայության»:

Մուհամեդ Ալուշը «Ջեյշ ալ Իսլամ» խմբավորման հիմնադիրներից է, ղեկավարել է նրա քաղաքական թեւը, 2016 -ին նա նշանակվել է Ժնեւում միջսիրիական խաղաղ բանակցություններում ընդդիմության գլխավոր բանակցող, 2017-ին գլխավորել Է Սիրիայի ընդդիմադիր պատվիրակությունը Աստանայում կայացած հանդիպման ժամանակ: