Զելենսկին կտրուկ է արձագանքել Մեթյու Միլլերի հայտարարությանը

Վլադիմիր Զելենսկին X սոցիալական ցանցում կտրուկ է արձագանքել ԱՄՆ Պետդեպարտամենտի հայտարարությանը 18-ից 25 տարեկան ուկրաինացիներին մոբիլիզացնելու անհրաժեշտության մասին։

«Մենք պետք է կենտրոնանանք գոյություն ունեցող բրիգադների վերազինման և անձնակազմի պատրաստման վրա՝ այդ տեխնիկան օգտագործելու համար: Մենք չպետք է փոխհատուցենք տեխնիկայի պակասը և մարզումները երիտասարդ զինվորների հաշվին»,- գրել է նա։

Նախօրեին Պետդեպարտամենտի պաշտոնյա Մեթյու Միլլերը հայտարարել էր, որ Կիևին տեղեկացրել են, որ Ուկրաինայի զինված ուժերը կհամալրվեն 18-ամյա երիտասարդների մոբիլիզացիայի դեպքում։

ԱՄՆ պետքարտուղար Անտոնի Բլինկենը նույնպես ավելի վաղ հայտնել էր, որ Վաշինգտոնի դաշնակիցները համաձայն են 18-ից 25 տարեկան ուկրաինացիներին մոբիլիզացնելու անհրաժեշտության հարցում։ Վլադիմիր Զելենսկու խորհրդական Դմիտրի Լիտվինը այնուհետ հայտարարել է, որ Ուկրաինան չի ծրագրում նման քայլի գնալ։