Սիրիայի վարչապետը հայտնել է` երբ կավարտվի երկրում անցումային շրջանը

Ընդդիմության կողմից նշանակված Սիրիայի ժամանակավոր կառավարության ղեկավար Մուհամմեդ ալ-Բաշիրը հայտարարել է, որ անցումային շրջանը երկրում կարող է ավարտվել մարտի 1-ին։

Ալ-Բաշիրը «Հայաթ Թահրիր ալ-Շամի» խմբավորման (ԱՄՆ-ում և այլ երկրներում ահաբեկիչ ճանաչված) առաջնորդ Աբու Մուհամմադ ալ-Ջոլանիի մերձավորն է։

43-ամյա Մուհամմեդ ալ-Բաշիրը ծնվել է Սիրիայի Իդլիբ նահանգում։ 2024-ի հունվարին նա նշանակվել է «Սիրիայի փրկության կառավարության» ղեկավար, որը ստեղծվել է Իդլիբում «Հայաթ Թահրիր ալ-Շամ»-ի կողմից։ Ավելի վաղ նա զբաղեցրել է զարգացման և հումանիտար հարցերի նախարարի պաշտոնը։