Գոլանի բարձունքները հավերժ կմնան Իսրայելի վերահսկողության տակ. Նեթանյահու

Իսրայելի վարչապետ Բենիամին Նեթանյահուն հայտարարել է, որ Գոլանի բարձունքները հավերժ կմնան Իսրայելի վերահսկողության տակ։ Քաղաքական գործչի խոսքերը մեջբերում է ТАСС-ը։

Արդեն հայտնել էինք, որ Սիրիան մտադիր է ՄԱԿ-ի Անվտանգության խորհրդին ծանուցել Իսրայելի կողմից Հանրապետության ինքնիշխանության խախտման մասին՝ կապված Դամասկոսին հարվածների և Գոլանի բարձունքներում իսրայելական զինվորականների գործողությունների հետ։

«Առաջինը, սա 1974 թվականի ուժերի բաժանման համաձայնագրի ակնհայտ խախտում է, երկրորդ՝ սա Սիրիայի ինքնիշխանության և տարածքային ամբողջականության նոր խախտում է», - ասել է Սիրիայի արտգործնախարար Բասամ Սաբբաղը:

«Երկրորդ խնդիրն այն է, որ դա վերաբերում է ոչ միայն Գոլանի բարձունքներին, այլև ավիահարվածներին: Երեկ կեսօրին Դամասկոսում բազմաթիվ օբյեկտներ կրակի տակ են հայտնվել: Այսօր ես խոսեցի ՄԱԿ-ում մեր մշտական ​​ներկայացուցչի հետ և խնդրեցի բարձրացնել այդ թեման»,– ասել է նա: