Աբխազիան դիմել է Ռուսաստանին
Աբխազիան Ռուսաստանին խնդրել է կրկին սկսել սոցիալական վճարումները հանրապետությունում։ Այս դիմումը ՌԴ վարչապետ Միխայիլ Միշուստինին ուղարկել է նրա աբխազ գործընկեր Վալերի Բգանբան, գրում է RT-ն։
«Ես նամակ եմ ուղարկել Միշուստինին՝ աշխատավարձերի և ընդհանրապես սոցիալական վճարների համաֆինանսավորումը ապասառեցնելու համար», - ТАСС-ի փոխանցմամբ՝ ասել է քաղաքական գործիչը։
Սեպտեմբերի 1-ից Ռուսաստանը կասեցրել է սոցիալական վճարները, որոնք վերաբերում են Աբխազիայի ուսուցիչներին, բժիշկներին և անվտանգության ուժերին։
Նշենք, որ Աբխազիայում դեկտեմբերի 10-ից կեսգիշերից մինչև առավոտյան յոթն անջատվելու է ինտերնետը։
Ըստ իշխանությունների` երկրի մայնինգ-ֆերմաները չափազանց շատ էլեկտրաէներգիա են սպառում։
Բացի դա, դեկտեմբերի 10-ից դպրոցներն ու մանկապարտեզները կփակվեն էներգադեֆիցիտի պատճառով։
