«Դեռևս հիմքեր չկան». Պեսկով

Ռուսաստանի և Ուկրաինայի միջև բանակցությունների համար հիմքեր դեռ չկան: Այս մասին «Իզվեստիա» թերթին հայտնել է ՌԴ նախագահի մամուլի քարտուղար Դմիտրի Պեսկովը։

«Դեռևս բանակցությունների համար հիմքեր չկան», - ասել է Պեսկովը։

Նա նշել է, որ շատ երկրներ հայտարարում են իրենց պատրաստակամությունը տրամադրելու իրենց տարածքը խաղաղ բանակցությունների համար։ Մասնավորապես, Կատարը ակտիվորեն աշխատում է միջնորդական ծառայությունների առումով։

«Մոսկվան երախտապարտ է բոլոր երկրներին նման բարի կամքի համար, այդ թվում՝ Կատարին»,- հավելել է նա:

Իր հերթին, ՆԱՏՕ-ի գլխավոր քարտուղար Մարկ Ռյուտեն առաջարկել է հետաձգել Ռուսաստանի հետ ցանկացած խաղաղ բանակցություն. Նրա կարծիքով, առաջին քայլը համոզվելն է, որ «Ուկրաինան ունի այն ամենը, ինչ անհրաժեշտ է՝ խաղաղության բանակցությունների մեկնարկի ժամանակ ամուր դիրք գրավելու համար», գրում է New York Times-ը։