Սա հրադադար է, ոչ թե պատերազմի ավարտ. Նեթանյահու

Իսրայելը և Լիբանանը հրադադարի մեջ են, բայց պատերազմը չի ավարտվել այնքան ժամանակ, քանի դեռ հյուսիսում անվտանգությունը չի վերականգնվել, իսկ բնակիչները չեն վերադարձել իրենց տները: Այս մասին ասել է Իսրայելի վարչապետ Բենիամին Նեթանյահուն:

«Մենք հիմա զինադադարի մեջ ենք, ես ընդգծում եմ, որ սա հրադադար է, ոչ թե պատերազմի ավարտ, մենք հստակ նպատակ ունենք՝ վերադարձնել բնակիչներին և վերականգնել հյուսիսի անվտանգությունը»,- ասել է վարչապետը:

Հիշեցնենք` Իսրայելական ԶԼՄ-ները հայտնել էին, որ հրադադարի մասին համաձայնագիրն ուժի մեջ է մտել նոյեմբերի 27-ին տեղական ժամանակով ժամը 4:00-ից մինչև 06:00-ն։