Երևանն արևածագից առաջ 1 ժամ տևողությամբ կլուսավորվի

Երքաղլույս ՓԲԸ-ն հայտարարություն է տարածել Երևանում գիշերային ռեժիմի լուսավորության կարգավորման հետ կապված։

«Սիրելի երևանցիներ, ձմռան ամիսներին հնարավոր անհարմարավետություններից խուսափելու և Երևան քաղաքի բնակիչների տեղաշարժը հարմարավետ դարձնելու նպատակով «ԵՐՔԱՂԼՈՒՅՍ» ՓԲ ընկերությունը ժամը 18:00-ից 04:00-ն ընկած ժամանակահատվածից բացի՝ իր սեփական խնայողություններից ստացած բյուջեի հաշվին, սկսած սույն թվականի նոյեմբերի 18-ից առավոտյան արևածագից առաջ 1 ժամ տևողությամբ միացնում է Երևան քաղաքի արտաքին լուսավորության ցանցն ամբողջությամբ, ընդ որում չկրճատելով գիշերային ռեժիմի լուսավորությունը»,- նշված է հայտարարության մեջ: