Մահացել է ամերիկյան «Поле чудес»-ի առաջին հաղորդավարը
Մահացել է ամերիկյան Wheel of Fortune շոուի (Խմբ.՝ որի հիման վրա ստեղծվել է ռուսական «Поле чудес»–ը) առաջին հաղորդավար Չակ Վուլերին: Այս մասին գրում է РБК–ն:
Նշվում է, որ Վուլերին մահացել է Տեխասի իր տանը 83 տարեկան հասակում, կնոջ կողքին, որի հետ ունի համատեղ 3 երեխա: Նա 11 տարի վարել է այլ հաղորդումներ նույնպես, այդ թվում՝ «Love Affair»–ը:
Վուլերին ծնվել է Կենտուկի նահանգի Էշլենդ քաղաքում և մինչ քոլեջ հաճախելը ծառայել է Միացյալ Նահանգների նավատորմում: Մինչ հայտնի հաղորդաշարի հաղորդավար դառնալը նա զբաղվել է երաժշտությամբ և միաժամանակ աշխատել նաև որպես բեռնատարի վարորդ: Հայտնի է, որ հաղորդավարը Դոնալդ Թրամփի հաստատուն կողմնակից էր:
