Գազայում զոհերի թիվը գերազանցել է 44,2 հազարը
Գազայի հատվածում ավելի քան 44,2 հազար պաղեստինցի է զոհվել 2023 թվականի հոկտեմբերից ընթացող ռազմական գործողությունների մեկնարկից ի վեր։ Այս տվյալները տրամադրել է Պաղեստինի անկլավի առողջապահության նախարարությունը, գրում է ТАСС–ը:
«Անցյալ տարվա հոկտեմբերից Գազայում իսրայելական բանակի (Խմբ.՝ գործողությունների հետևանքով) զոհերի թիվը հասել է 44.211-ի, ևս 104.567 մարդ վիրավորվել է», - ասվում է գերատեսչության ամփոփագրում, որը հրապարակվել է պաշտոնական թելեգրամյան ալիքում:
Գազայի առողջապահության նախարարությունը նաև հայտնել է, որ վերջին 24 ժամվա ընթացքում անկլավում Իսրայելի ռմբակոծությունների և հրետակոծությունների հետևանքով «35 պաղեստինցի է զոհվել, ևս 94-ը վիրավորվել է»։
