Ուկրաինական հարվածի հետևանքով հյուսիսկորեացի գեներալ է վիրավորվել. WSJ

Կորեայի ժողովրդական բանակի բարձրաստիճան գեներալ է վիրավորվել՝ Կուրսկի շրջանում ուկրաինական հարվածի հետևանքով, որը տեղի էր ունեցել նոյեմբերի 21-ին։ Այս մասին հայտնում է The Wall Street Journal-ը՝ վկայակոչելով արևմտյան անանուն պաշտոնյային:

Աղբյուրը չի բացահայտել, թե ինչ հանգամանքներում է վիրավորվել Հյուսիսային Կորեայի ռազմական առաջնորդը։ Տուժած զինվորականի անունը նույնպես չի հաղորդվում։

Ինչպես նշում է WSJ-ը, սա առաջին դեպքն է, ըստ արևմտյան իշխանությունների, որ ռուս-ուկրաինական պատերազմի ժամանակ հյուսիսկորեացի բարձրաստիճան զինվորական է վիրավորվում։

ՄԱԿ-ում Հյուսիսային Կորեայի ներկայացուցիչն էլ չի պատասխանել The Wall Street Journal-ի հարցադրումներին։

Հիշեցնենք, որ Ուկրաինացի զինվորականները նոյեմբերի 20-ին հարձակվել են Կուրսկի շրջանի վրա՝ օգտագործելով Մեծ Բրիտանիայի կողմից մատակարարած առնվազն 10 հեռահար Storm Shadow հրթիռներ։