Որ դեպքում վարորդը գույքահարկ չի վճարի. նոր որոշում
Կառավարությունը քիչ առաջ հավանություն տվեց հարկային օրենսգրքի փոփոխություններին, որով սահմանվում է, որ ավտոմեքենայի սեփականատերն ազատվում է գույքահարկից, եթե ավտոմեքենան հափշտակված է:
Ըստ այդմ հանցագործության հիմքով սեփականատիրոջ տիրապետումից դուրս գտնվող փոխադրամիջոցների սեփականատերերը՝ այդ փոխադրամիջոցի մասով կազատվեն գույքահարկի վճարման պարտավորությունից, իսկ համայնքն իրական հնարավորություն կստանա հանցագործության հիմքով գույքահարկը գանձել հանցանք կատարած անձից։
Նշենք, որ գործող կարգավորումներով անգամ եթե ավտոմեքենան գողացված է և հարուցված է քրեական վարույթ, սեփականատերը պարտավոր է վճարել գույքահարկը:
