Մենք պետք է վերահսկենք դա և մենք կանենք դա․ Էրդողան

Անկարան հետևելու է Ռուսաստանի և Չինաստանի գործողություններին Մերձավոր Արևելքում տիրող իրավիճակի վերաբերյալ։ Այս մասին հայտարարել է Թուրքիայի նախագահ Ռեջեփ Թայիփ Էրդողանը:

«Ժամանակը ցույց կտա, թե ինչ քայլեր կձեռնարկեն Չինաստանի նախագահ Սի Ցզինպինը և ՌԴ նախագահ Վլադիմիր Պուտինը։ Այս գործի ամենակատարյալ վկան ժամանակն է։ Մենք պետք է վերահսկենք դա և մենք կանենք դա: Ըստ այդմ, մենք կտեսնենք, թե ինչպես կվարվեն նրանք և ինչ քայլեր կձեռնարկեն։ Քանի որ այժմ դրանք շատ կարեւոր երկրներ են աշխարհում», - ասել է Թուրքիայի նախագահը։

Նրա խոսքով՝ Չինաստանն ու Ռուսաստանը հայտարարություններ են արել այն մասին, որ Իսրայելի հարձակումներն անարդար են և անօրինական:

«Նրանք նաև հանդես են եկել հարձակումներն ավարտելու և հարցը դիվանագիտական ճանապարհով լուծելու մասին հայտարարություններով։ Ռուսաստանն ու Չինաստանը ստորագրել են մեր համատեղ նամակը՝ խնդրելով միջոցներ ձեռնարկել Իսրայելին զենք-զինամթերքի մատակարարումը դադարեցնելու համար, որը մենք նախաձեռնել ենք ՄԱԿ-ում, և դա կարևոր քայլ է: Քանի որ քանի դեռ Իսրայելին զենքի և զինամթերքի այս մատակարարումները շարունակվում են, Իսրայելը գնալով ավելի ագրեսիվ կդառնա: Ամեն օր, քանի դեռ Իսրայելը կանգ չի առել, Պաղեստինում և Լիբանանում հումանիտար պատկերը գնալով վատանում է: Ամեն օր, երբ մարդասիրական օգնությունը չի կարող անխափան հասցվել, մարդիկ մահանում են դեղորայքի բացակայության, սովի, ծարավի և դաժան հարձակումների պատճառով»,-հայտարարել է Թուրքիայի նախագահը։