Հայտնի է, թե Թրամփն ինչ պաշտոն է տվել Մասկին

Միլիարդատեր Իլոն Մասկը և գործարար Վիվեկ Ռամասվամին կգլխավորեն պետական արդյունավետության հասնելու նոր դեպարտամենտը, հետևում է ԱՄՆ նախագահական ընտրություններում հաղթած Դոնալդ Թրամփի՝ այսօր հրապարակված հայտարարությունից։

Ուրախ եմ հայտարարել, որ մեծն Իլոն Մասկը, աշխատելով ամերիկացի հայրենասեր Վիվեկ Ռամասվայի հետ, կգլխավորի պետական արդյունավետության դեպարտամենտը», — ասված է հայտարարության մեջ:

Թրամփի խոսքով՝ «այս երկու հրաշալի ամերիկացիները «կզբաղվեն» կառավարական բյուրոկրատիայի ապամոնտաժմամբ», «ավելորդ կանոնների «կրճատմամբ», «շռայլ ծախսերով» եւ դաշնային գործակալությունների վերակազմավորմամբ:

Իլոն Մասկը, X-ում մեկնաբանելով իր նշանակումը, խոստացել է, որ նոր դեպարտամենտի գործունեությունը կարտացոլվի ինտերնետում՝ առավելագույն թափանցիկության համար:

Ցանկացած ժամանակ, երբ հասարակությունը կարծում է, որ մենք կրճատում ենք ինչ-որ կարևոր բան կամ չենք կրճատում ինչ-որ վատնող բան, պարզապես տեղեկացրեք մեզ»,- գրել է նա:

Գործարարը հավելել է, որ դեպարտամենտը նաև վարելու է ամերիկյան հարկատուների միջոցների «ամենախենթ հիմար ծախսերի» առաջատարների աղյուսակը, և նոր գերատեսչության աշխատանքը անվանել է «սպառնալիք բյուրոկրատիայի համար»:

Նոր դեպարտամենտի անվանումը վերաբերում է Dogecoin - ին (DOGE)՝ կրիպտոարժույթին, որի կողմնակիցն է Մասկը։ Այն անվանվել է Doge ինտերնետային մեմի անունով, որում պատկերված է Shiba Inu ցեղի տարակուսած շունը:

Թրամփը, զբաղեցրել է ԱՄՆ նախագահի պաշտոնը 2017-2021 թվականներին, հաղթել է նոյեմբերի 5-ին կայացած նախագահական ընտրություններում: Նա 19-րդ դարից ի վեր ԱՄՆ-ում առաջին քաղաքական գործիչն էր, որին չորս տարվա ընդմիջումից հետո հաջողվեց վերադառնալ Սպիտակ տուն։

Նահանգների ընտրական կոլեգիան դեկտեմբերի 17-ին պետք է քվեարկի թեկնածուների օգտին՝ ըստ ընտրողների կամքի, իսկ հունվարի 6-ին Կոնգրեսի նոր կազմը կհաստատի քվեարկության արդյունքները: Երդմնակալության արարողությունը տեղի կունենա հունվարի 20-ին: