Ադրբեջանից և Հայաստանից մասնագետները համատեղ աշխատում են. ԱՄՆ դեսպան
Ադրբեջանից և Հայաստանից մի խումբ հիդրոլոգներ և ինժեներներ ԱՄՆ-ի աջակցությամբ համատեղ աշխատում են տարածաշրջանի սահմանային գետերի ջրային ռեսուրսների ինտեգրված կառավարման սխեմայի ստեղծման ուղղությամբ. այս մասին հայտարարել է Բաքվում ԱՄՆ դեսպան Մարկ Լիբբին:
Դեսպանը ծրագրի վերաբերյալ այլ մանրամասներ չի ներկայացրել:
Հայաստանից Ադրբեջան հոսում է ութ անդրսահմանային գետ։ Նրանց թվում են Արաքսը, Դեբեդը, Աղստևը, Ողջին և Որոտանը։ Ավելի փոքր են Արփա գետը, որը թափվում է Նախիջևան, և երկու սեզոնային գետեր Տավուշի մարզում։
