«Հեզբոլլահը» հարվածել է իսրայելական ավիաբազային
«Հեզբոլլահի» շիա աշխարհազորայինների ջոկատները ճշգրիտ հրթիռային հարվածներ են հասցրել Իսրայելի ռազմաօդային ուժերի Թել Նոֆ բազային, որը գտնվում է Թել Ավիվից 27 կմ հեռավորության վրա։ Այս մասին ասվում է կազմավորման՝ Telegram ալիքում հրապարակված կոմյունիկեում, գրում է ТАСС–ը:
«Իսլամական դիմադրության ուժերը հարձակվել են թշնամու՝ Թել Նոֆում գտնվող ավիաբազայի վրա՝ ի պատասխան Լիբանանի բնակչության կենտրոնների վրա ագրեսիվ հարձակումների և Գազայի հատվածում պաղեստինցիների դիմակայությանն աջակցելուն», - ասվում է տեքստում:
Թել Նոֆ ավիաբազան, որը գտնվում է Ռեհովոտ և Գեդերա քաղաքների միջև, հոկտեմբերի 26-ին խոցվել է «Հեզբոլլահի» անօդաչու թռչող սարքերի կողմից։
Համաձայն հաղորդագրության՝ մեկ այլ ռազմական թիրախ, որին կեսօրին հրթիռային հարված է հասցվել, Կիբուց Կարմիելում գտնվող օդադեսանտային բրիգադի ուսումնական ճամբարն է։ Այն գտնվում է Արևմտյան Գալիլեայի Ակրե նավահանգստից 22 կմ հեռավորության վրա։
