Իսրայելի հարվածից սպանվել է «Հեզբոլլահի» ևս մեկ հրամանատար

Սիրիայի մայրաքաղաք Դամասկոսի  հարավարևելյան արվարձանին Սեյիդ Զեյնաբ իսրայելական ավիահարվածի ժամանակ սպանվել է իրանամետ «Հեզբոլլահի» հրամանատար Ալի Մուսա Դաքդուկը։ Այս մասին հայտնում է լիբանանյան Naharnet լրատվական պորտալը։

 Նշվում է, որ Դաքդուկը պատասխանատու էր Սիրիայում Իսրայելի դեմ ռազմական գործողություններ իրականացնելու համար։ Նա գործողությունները համակարգել է «Իրաքի իսլամական դիմադրություն» շարժմանը պատկանող զինված շիայական խմբավորումների հետ։

Նրա հրամանատարությամբ իրականացվել է օկուպացված Գոլանի բարձունքների տարածքի գնդակոծում։

 Ավելի վաղ արաբական պաշտպանության նախարարության աղբյուրը SANA գործակալությանը հայտնել էր, որ Իսրայելը տեղական ժամանակով ժամը 17:00-ին (Մոսկվայի ժամանակով 19:00-ին) հարձակվել է Դամասկոսի հարավարևելյան ծայրամասերի վրա, հրթիռներ են արձակվել գրավյալ Գոլանի բարձունքներից։ Այս տեղեկությունների համաձայն՝ զոհվել է 7 խաղաղ բնակիչ, այդ թվում՝ կանայք և երեխաներ, իսկ 20-ը՝ վիրավորվել, ավելի ուշ Sham FM ռադիոկայանը, վկայակոչելով Դամասկոսի բժշկական աղբյուրները, հայտնել է, որ զոհերի թիվը հասել է 9-ի։