ՏԵՍԱՆՅՈՒԹ. «Կքննարկվի Հայաստանից ադրբեջանական զորքի դուրսբերման հարցը». Պապոյան
ՔՊ փոխնախագահ, էկոնոմիկայի նախարար Գևորգ Պապոյանը հայտարարել է, թե սահմանազատման ու սահմանագծման բանակցություններում անպայման քննարկվելու է նաև Հայաստանի տարածքից ադրբեջանական զորքի դուրս բերման հարցը:
«Այսօր, վաղը, թե երկու տարի հետո, այսինքն, ո՛ր փուլում դրան կհասնենք, չեմ կարող ասել։ Բայց միանշանակ է, որ երբ խոսում ենք սահմանազատման ու սահմանագծման մասին, նշանակում է՝ հյուսիս-արևելյան ամենավերևի կետից մինչև հարավ-արևելյան ամենաներքևի կետը, այնուհետև՝ Նախիջևանի սահման, այդ բոլոր հարցերը քննարկվելու են»,- ասել է նա։
