Նեթանյահուն պաշտոնանակ է արել Իսրայելի պաշտպանության նախարարին

Իսրայելի վարչապետ Բենիամին Նեթանյահուն պաշտոնանկ է արել պաշտպանության նախարար Յոավ Գալանտին, հայտնում է Haaretz-ը։

Ինչպես պարզաբանում է The Jerusalem Post-ը, պաշտպանության նոր նախարար է նշանակվել Իսրայել Կացը, ով զբաղեցնում էր արտգործնախարարի պաշտոնը։

«Իմ բարձրագույն պարտականությունը՝ որպես Իսրայելի վարչապետ, երկրի անվտանգությունն ապահովելն ու մեզ վճռական հաղթանակի տանելն է։ Պատերազմական պայմաններում վարչապետի և պաշտպանության նախարարի միջև լիակատար վստահությունն ավելի քան երբևէ անհրաժեշտ է։ Եթե ​​քարոզարշավի առաջին ամիսներին մենք ունեինք նման վստահություն և շատ բանի հասանք, ապա վերջին ամիսներին, ցավոք, իմ և պաշտպանության նախարարի միջև այս վստահությունը խաթարվեց», - ասվում է Նեթանյահուի հայտարարության մեջ։

Ըստ Նեթանյահուի, ինքը և Գալանտը տարաձայնություններ են ունեցել պատերազմի վարման հարցում։

«Ես բազմաթիվ փորձեր արեցի  այդ տարաձայնությունները հարթելու համար, բայց դրանք ավելացան: Այդ ամենը հասանելի դարձավ մեր թշնամիներին, ինչի հետևանքով նրանք օգուտ քաղեցին դրանից»,- վարչապետի խոսքերն է մեջբերում Times of Israel-ը:

Նեթանյահուն նաև ասել է, որ կառավարության անդամների մեծամասնությունը պաշտպանում է իր որոշումը։

Գալանտը հրաժարականի մասին հայտարարելուց անմիջապես հետո հայտարարեց, որ «Իսրայելի անվտանգությունը միշտ եղել և մնում է իր կյանքի առաքելությունը»: