Իլոն Մասկը պլանավորում է ընտրությունների գիշերը Թրամփի կողքին լինել. ԶԼՄ

Ամերիկացի գործարար Իլոն Մասկը պլանավորում  է ընտրությունների գիշերը լինել ԱՄՆ նախագահի հանրապետական ​​թեկնածու Դոնալդ Թրամփի կողքին՝ Ֆլորիդայի իր նստավայրում, գրում է New York Times-ը՝ հղում անելով աղբյուրներին։

«Իլոն Մասկը նախատեսում է ընտրությունների գիշերը լինել նախկին նախագահ Դոնալդ Թրամփի հետ»,- ասվում է հրատարակության մեջ։

Ըստ աղբյուրների՝ Մասկը կլինի Ֆլորիդայում գտնվող Մար-ա-Լագոյի իր նստավայրում, որտեղ տեղի կունենան մի շարք միջոցառումներ։ Աղբյուրների համաձայն՝ ձեռներեցը Թրամփի հետ միասին արդյունքներին սպասող  մարդկանց նեղ շրջանակի մի մասն է լինելու։

Մասկը տարիների ընթացքում ավելի ու ավելի է ակտիվացել քաղաքականապես և պարբերաբար մեկնաբանում է ամերիկյան քաղաքական խնդիրները իր X սոցիալական ցանցում: Միևնույն ժամանակ, նա նախկինում հրապարակայնորեն քննադատում էր և՛ դեմոկրատներին, և՛ հանրապետականներին՝ ասելով, որ չի աջակցում կողմերից ոչ մեկին, բայց ժամանակի ընթացքում իր տեսակետները դարձավ ավելի ու ավելի աջակողմյան, և արդեն 2024-ին նա բացահայտ հայտարարեց իր աջակցության մասին Հանրապետական ​​կուսակցությանը, ինչպես նաև հիմնեց Ամերիկա PAC քաղաքական կոմիտեն՝ Թրամփին աջակցելու համար։