Բաքուն կարող է Երևանին «ստիպել». Ադրբեջանի ԱԽՔ

Ադրբեջանի Անվտանգության խորհրդի քարտուղար Ռամիլ Ուսուբովն ասել է, որ մի շարք արտաքին ուժեր փորձում են «օգտագործել» Հայաստանը՝ տարածաշրջանում սպառնալիքներ ստեղծելու համար։

«Ադրբեջանը՝ որպես հաղթանակած երկիր և տարածաշրջանի ռազմական ուժի կենտրոն, կարող է Հայաստանին «ստիպել» խաղաղության պայմանագիր կնքել՝ հիմնված միջազգային իրավունքի վրա», - ասել է ադրբեջանցի պաշտոնյան:

Ուսուբովի խոսքով՝ Ադրբեջանն ի վիճակի է կասեցնել ցանկացած ճնշում, այդ թվում՝ «ռևանշիստական գործողությունները»:

«Խաղաղության պայմանագրի ստորագրումը հնարավոր է, եթե Հայաստանը հրաժարվի արտաքին ազդեցությունից և իր ժողովրդի շահերից բխող որոշումներ կայացնի», - ասել է նա։