Ավելի քան 100 միլիարդ եվրոյի ռազմական օգնություն՝ Ուկրաինային
ԱՄՆ-ի և եվրոպական երկրների կողմից Ուկրաինային տրամադրվող ընդհանուր ռազմական օգնությունն արդեն գերազանցել է 100 միլիարդ եվրոն, հայտարարել է երկրի արտգործնախարար Անդրեյ Սիբիգան։
«2024 թվականի օգոստոսի 31-ի դրությամբ ԱՄՆ-ն Ուկրաինային հատկացրել է 56,8 միլիարդ եվրո ռազմական օգնություն, միևնույն ժամանակ, եվրոպական երկրներից Ուկրաինային տրամադրված ընդհանուր ռազմական օգնությունը կազմել է 54,6 միլիարդ եվրո», - ասել է նա գերմանացի գործընկեր Աննալենա Բարբոկի հետ կայացած համատեղ մամուլի ասուլիսում: Հեռարձակումն իրականացվել է Ուկրաինայի արտաքին գործերի նախարարության ֆեյսբուքյան էջում:
Ուկրաինայի իշխանությունները մշտապես կոչ են անում արևմտյան գործընկերներին նոր ռազմական օգնություն փոխանցել՝ պարբերաբար նրանց քննադատելով ուշացումների և անբավարար մատակարարումների համար։
