«Ուզում են գնել մեր երկիրը, բայց չեն կարող հաղթել մեր համախմբվածության դեպքում». Սանդու
Մոլդովայի երկրորդ ժամկետով առաջադրված նախագահ Մայա Սանդուն պնդում է, որ նախագահական ընտրությունների երկրորդ փուլում ընտրողներին կաշառելու սպառնալիքներ կան:
«Հիմա կարևոր է պահպանել միասնականությունը և պաշտպանել մեր ձայները, պաշտպանել անկախությունը։ Գողերն ուզում են գնել մեր ձայները, ուզում են գնել մեր երկիրը, բայց նրանք չեն կարող հաղթել մեր համախմբվածության դեպքում», - ընտրատեղամաս այցելելուց հետո հայտարարել է Սանդուն։
Հոկտեմբերի 20-ին կայացած ընտրությունների արդյունքում Սանդուն ստացել է ձայների 42,49 տոկոսը։ Երկրորդ փուլ է դուրս եկել նաև նախկին գլխավոր դատախազ Ալեքսանդր Ստոյանոգլոն ՝ 25,95 տոկոսով:
